مركز المساعدة
حلول سريعة لأشهر المشاكل الفنية في الدورات الأونلاين والدفع والشهادات. اكتب مشكلتك في البحث، أو اختر من الأقسام.
الدورات الأونلاين (منصة مساق)
ما أقدر أسجل دخول، أو نسيت كلمة المرور
- تأكد إنك داخل من الرابط الصحيح: elearning.salamtec.sa
- اكتب الإيميل اللي سجلت فيه بدون مسافات، وتأكد إن لوحة المفاتيح على الإنجليزي.
- إذا نسيت كلمة المرور اضغط "نسيت كلمة المرور" في صفحة الدخول، ويوصلك رابط على إيميلك. شيك على مجلد الرسائل غير المرغوب فيها (Spam).
- إذا ما وصلك الرابط خلال دقائق، تواصل معنا ونعيد ضبط حسابك.
المايك ما يشتغل في المنصة
- اضغط على أيقونة القفل 🔒 جنب الرابط فوق في المتصفح، وخلّ "الميكروفون" مسموح، وبعدها حدّث الصفحة.
- سكّر أي برنامج ثاني ممكن ماسك المايك مثل Zoom أو Teams أو WhatsApp Desktop.
- استخدم متصفح Google Chrome أو Microsoft Edge بآخر تحديث.
- في الويندوز: الإعدادات ← الخصوصية والأمان ← الميكروفون، وتأكد إن الوصول مسموح للمتصفح.
- في الآيفون: الإعدادات ← Safari أو Chrome ← الميكروفون ← سماح.
- إذا عندك سماعة بلوتوث، جرّب تفصلها وترجع توصلها، أو جرّب مايك الجهاز نفسه.
الكاميرا ما تشتغل
- من أيقونة القفل 🔒 جنب الرابط خلّ "الكاميرا" مسموحة، وحدّث الصفحة.
- سكّر البرامج اللي ممكن ماسكة الكاميرا (Zoom، Teams، تطبيق الكاميرا).
- تأكد إن غطاء الكاميرا مفتوح، أو زر الكاميرا في اللابتوب مفعّل.
ما أسمع الصوت في الدرس أو البث
- تأكد إن صوت الجهاز مو صامت، وإن صوت مشغل الفيديو نفسه مرفوع.
- إذا عندك سماعة، تأكد إنها هي المختارة كمخرج للصوت.
- في الجوال: تأكد إن زر الصامت مطفي.
- حدّث الصفحة، أو جرّب متصفح ثاني.
الفيديو ما يشتغل أو يقطّع
- جرّب إنترنت ثاني أو قرّب من الراوتر. الفيديو يحتاج سرعة ثابتة.
- من إعدادات المشغل خفّض الجودة (مثلاً 480p).
- سكّر التبويبات والبرامج اللي تستهلك الإنترنت.
- امسح ذاكرة المتصفح (الكاش) أو جرّب نافذة خاصة (Incognito).
كيف أدخل المحاضرة المباشرة؟
- سجّل دخولك في المنصة وافتح الدورة من "دوراتي".
- رابط الجلسة المباشرة يظهر داخل الدورة في موعدها، وغالباً يوصلك تنبيه على الإيميل.
- ادخل قبل الموعد بـ 5 دقائق عشان تتأكد من المايك والصوت.
- إذا ما ظهر لك الرابط في الموعد، تواصل معنا فوراً على الواتساب.
الدرس ما ينحسب مكتمل أو نسبة التقدم ما تتحدث
- كمّل الفيديو لين آخره، وبعدها اضغط زر إكمال الدرس إذا موجود.
- حدّث الصفحة بعد ما تخلص الدرس.
- تأكد إنك حليت الاختبار أو الواجب المرتبط بالدرس إذا فيه.
- إذا المشكلة مستمرة، أرسل لنا اسم الدورة واسم الدرس ونصلحها.
وين ألقى شهادة الدورة الأونلاين؟
- الشهادة تصدر بعد ما تكمّل كل دروس الدورة وتجتاز الاختبار إذا موجود.
- تلقاها داخل الدورة في حسابك على المنصة، وتقدر تحمّلها PDF.
- تأكد إن اسمك في الحساب مكتوب مثل ما تبيه في الشهادة قبل ما تصدر.
الدفع والفواتير (المتجر)
الدفع ما نجح
- تأكد إن بطاقتك مفعّلة للشراء أونلاين، وإن رمز التحقق (OTP) يوصلك من البنك.
- جرّب بطاقة ثانية أو طريقة دفع ثانية، أو جرّب متصفح ثاني.
- لا تكرر الدفع أكثر من مرة. إذا انخصم المبلغ وما وصلك تأكيد، أرسل لنا صورة من العملية ونتابعها لك.
أبي أقسّط الدورة
- الدورات في المتجر تقدر تقسّطها مع تابي من صفحة الدفع.
- لبرنامج ضريبة القيمة المضافة فيه تقسيط خاص، تواصل معنا على الواتساب.
أبي فاتورة ضريبية
- الفاتورة توصلك على الإيميل بعد الدفع.
- للجهات والشركات: أرسل لنا اسم المنشأة والرقم الضريبي ونصدر لكم فاتورة باسم الجهة.
أبي ألغي أو أسترجع المبلغ
- الدورات الحضورية: قبل 7 أيام أو أكثر استرجاع كامل، وقبل 3 إلى 6 أيام استرجاع 50% أو نقل مجاني لموعد قادم.
- الدورات الأونلاين: خلال 7 أيام من الشراء إذا ما تجاوزت المشاهدة 20%.
- التفاصيل كاملة في صفحة سياسة الاسترجاع، والطلب يكون على الواتساب أو info@salamtec.sa.
الدورات الحضورية والشهادات
وين مكان المعهد؟
- مبنى 8109، طريق الملك فيصل بن عبدالعزيز، حي الوسادة، القطيف. العنوان الوطني المختصر: EGGB8109.
- أوقات الدوام من 9 الصبح إلى 3 العصر، والجمعة إجازة.
أبي أغيّر موعد الدورة
- تواصل معنا على الواتساب قبل الموعد، ونقدر ننقل تسجيلك لموعد قادم حسب سياسة الإلغاء.
كيف أتحقق من شهادة صادرة من المعهد؟
- أرسل لنا على الواتساب صورة الشهادة أو رقمها، ونأكد لك صحتها.
- الجهات اللي تبي تتحقق من شهادات موظفيها تقدر تراسلنا على info@salamtec.sa.
ما لقينا نتيجة. تواصل معنا على الواتساب ونحلها معك.
ما انحلت المشكلة؟
كلّمنا على الواتساب وأرسل صورة للشاشة، وفريق الدعم يساعدك من 9 الصبح إلى 3 العصر.